Orozkorock jaialdiaren 2020ko edizioaren azken emanaldia izan zen atzo udalerriko Txopera parkean. Sarreran prebentzio neurri guztiak hartu zituzten eta tenperatura neurtu ez ezik, hidrogela eskaini eta ikusle guztiei datuak ere hartu zizkieten antolatzaileek.
20 minutuko atzerapenarekin abiatu zen emanaldia, eserleku guztiak beteta, eta Moonshine Wagon taldeak bere rock amerikarra jaurti zien jarraitzaileei, hotza eta gaua publikoaren gainean erortzen zen bitartean.
Musikariek eskerrak eman zizkieten bertaratutakoei zein antolakuntzari eta, nahiz eta ez ohiko testuinguruan jo, gozatzeko gonbidapena luzatu zuten. Halaber, txantxen artean, taldekideek gogoratu zuten musika sortzaileak ahaztuak izan direla pandemian, eta oso zaila egiten zaiela zuzeneko saioak egitea.
Aulkitik mugitu gabe ere, publikotik askok hanka astinduta ekin zioten dantzatzeari, eta 20:30ak aldera amaitu zen kontzertua, taldeak zenbait ezusteko bertsio jo ostean.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide