Moldatuta itzuli da Emakume Master Cup txapelketa frontoietara. Koronabirusak lehiaketaren modalitatean ez ezik, bikoteen osaketan aldaketak eragin ditu.
Hala, Gentzane Aldaik Ane Urkizuren lekua bete du txapelketan, eta Emakume Master Cupen arabera, "ederki lagundu zion maila bikainean ari den Olatz Arrizabalagari".
Hain zuzen, Iera Agirre eta Arrate Bergara izan zituzten aurkari, eta 22-15 nagusitu ziren markagailuan. Ondorioz, finalerdietan lehiatzeko txartela eskuratu dute Gentzane Aldaik eta Olatz Arrizabalagak.
Igandean izan zuen, ordea, bere "titular postua", Leire Garairekin batera Legution izandako norgehiagokan. Atzokoan Ainhoa Ruiz de Infante eta Miriam Arrillaga bikotea izan zituzten aurrean, baina ezin izan zuten irabazi. "Ainhoa Ruiz de Infante eta Miriaim Arrillagak oso bikote sendoa osatu dute, eta hasiera-hasieratik hartu dute partidako aginte makila (22-8)".
Finalerdiak osatuta
Horrenbestez, ondorengoak dira abenduaren 6an finalera sartzeko borroka arituko diren bikoteak, Gentzane Aldai orozkoarrarekin batera:
- Patri Espinar - Naroa Agirre
- Ainhoa Ruiz de Infante - Miriam Arrillaga
- Olatz Arrizabalaga - Gentzane Aldai
- Amaia Aldai - Oihana Orbegozo
"Binakako Txapelketa malgu batek hartuko du bertan behera gertu den Lau eta Erdiko LABORAL KUTXA Emakume Master Cup txapelketaren lekua", zehaztu dute antolatzaileek
sare sozialetan. Bertan zabaldu dituzte ekimeneko argazkiak eta kronikak, besteak beste.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
