Mendizale bat erreskatatu dute Lekanda inguruan

Izar Mendiguren Cosgaya 2020ko azaroaren 22a
Deskargatu Info Ahotsak :

Helikopteroa bertaratu behar izan da eria erreskatatzera. / Ertzaintza

Mendizale bat erreskatatu behar izan dute helikopteroz, Orozkoko mendietan. 

Ertzaintzak prentsa oharrean adierazi duenez, harrien artean erori da mendizalea, eta akiles taloia hautsi du horren ondorioz. Hargatik, Ertzaintzaren mendi erreskate taldea bertaratu behar izan da, Galdakaoko erietxera eramateko. 

Ezbeharra Orozkoko mugen barruan jazo da, Lekanda tontorraren bueltan, Gorbeiako parke naturalean. Larrialdi Zerbitzuek zehaztu dutenez, 9:15ean jaso dute deia, eriaren lagun baten bidez. "Istripuaren tokira heltzeko bestelako modurik ez zegoenez, Ertzaintzako Mendi Erreskate taldea joan zen", zehaztu dute.

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide