2021erako aurrekontua onartu zuten iragan asteartean Orozkoko Udal Osoko Bilkuran. 5.091.935 eurokoa izango da, aurtengoa baino 258.135 euro gehiago.
Udaleko langileen gastua 1,07 milioi eurokoa izango da guztira, %2,4 igota. "Bestalde, 3.195.775€ onartu dira gastu arrunt gisa, 166.200€ finantza-gastu gisa eta 353.360€ diru-laguntzetarako ekarpen gisa", azaldu du tokiko erakundeak, eta aipatu du 1,38 milioi euroko zorra duela gaur egun, "1.063.015 euro Zubiaur Eraikuntzak eraisteko maileguarengatik eta 325.000 euro osasun zentro berria eraikitzeko eskatutakoagatik".
Inbertsioak
Guztira, 306.500 euro bideratuko ditu udalak datorren urtean inbertsioak egitera. Ondorengo proiektuak gauzatuko ditu, besteak beste:
- Babes Zibilaren zerbitzuak finantzatzea (12.700 euro)
- Merkataritza-sektoreari laguntzak ematea (10.000 euro)
- Landa-bideak egokitzea (91.037 euro)
- Bideetako sastrakak kentzea (15.000 euro)
- Gazteen lonjei buruzko proiektua gauzatzea (29.000 euro)
- Lorategietan mantenu-lanak egitea (91.000 euro)
- Gizarte Etxea altzariz hornitzea (83.000 euro)
- Prentsa-kabinetea kontratatzea (25.000 euro)
Adieren aldeko botoekin onartu ziren aurrekontuak. EAJk aurka bozkatu zuen eta EH Bildu abstenitu egin zen.