"Gorria" ikuskizuna eta Maria Riveroren kontzertua egongo dira Orozkon datorren astean

Gorria ikuskizunaren aurkezpena. / Alea

Urtarrilaren 4an eta 8an izango dira emanaldiak, hurrenez hurren. Donibane Aretoan taularatuko dira ikuskizunak.

"Orozkoko Kultur Barikuak" dinamikak aurrera darrai. Donibane Aretoak datorren astean bi emanaldi jasoko ditu: Gorria dantza ikuskizuna, eta Maria Riveroren kontzertua.

Miren Amuriza eta Askoa Etxebarrietak dantza eta bertsoak uztartuko dituzte Gorria ikuskizunean

Urtarrilaren 4an, Gorria bertso eta flamenko ekitaldia taularatuko dute Miren Amurizak eta Askoa Etxebarrietak. La pulga ezizenagatik ezagunagoa da dantzaria.

Orozkoko Potolari Bertso Eskolak antolatu du saioa, eta 19:00etan hasiko da

Urtarrilaren 8an, Maria Rivero

Bestalde, hilaren 8an, Maria Rivero bertaratuko da bere tribu bandarekin. "Kultur Barikuak" egitasmoaren barruan eskainiko dute emanaldia.

Riverorekin batera zenbait musikari taularatuko dira, besteak beste, Eriz Perez urduñarra eta Gorka Chamorro arbidearra.

Sarrerek 3 euro balioko dute, eta COVID-19 dela eta, aldez aurretik erreserbatu behar dira txartelak Indumara mezu elektronikoa bidalita (infoinduma@yahoo.es). 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide