Bi udaltzain izango ditu Orozkok aurrerantzean

Aimar Gutierrez Bidarte 2021eko urtarrilaren 11

Udaletxeko beheko solairuan izango dute udaltzainek jendaurreko bulegoa. / Aiaraldea.eus

Orozkoko aguazilak udaltzain bihurtu dira, eta polizia funtzioa beteko dute herrian. Udaletxeko beheko solairuan izango dute bulegoa.

Urtarrilaren 4az geroztik bi Udaltzain ditu Orozkok. Ordura arte aguazil plazak betetzen zituzten bi funtzionarioek udaltzaingoaren zerbitzu publikoa beteko dute. Polizia funtzioak betetzearekin batera E funtzionario taldetik C-1 taldera igaroko dira

Aldaketa, Euskal Autonomi Erkidegoko Poliziaren Legean 2019an jasotako aldaketa baten bidez gauzatu da. Aldaketak honek aguaziletatik udaltzaingorako trantsizio prozesua arautzen du, udaltzaingorik ez duten udaletan.

Trantsizioa gauzatzen ez den udalerrietan aguazil postuak iraungiko dituzte, aguazil lanak betetzen dituen langilea funtzionarioa denean.

Orozkoko aguazil postua betetzen zuten bi pertsonek aurreko urtean luzatu zioten udalari trantsizioa gauzatzeko eskaera, eta udalbatzak 2020ko martxoaren 10ean berretsi zuen eskaera.

Udaltzain zerbitzuak Udaletxeko beheko solairuan izango dute jendaurreko bulego berria, oraindik zehaztu gabe dago honen ordutegia. Harremanetarako 615 78 58 95 telefonoa jarri dute eskuragarri.

Jendartea Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide