AP-68 errepidean, Orozkon, egin zituen atxiloketak Ertzaintzak, errutinazko trafiko kontrol batean.
Ertzaintzak lau lagun atxilotu zituen atzo Orozkon, AP-68 errepidean, 5.700 euroko balioa zuten lau telefono-kable bobina lapurtzeagatik.
13:00ak aldera aurkitu zituzten bobinak, trafiko kontrol batean geratutako furgoneta baten barruan. Agenteek materialaren jatorriaren inguruko azalpenak eskatu zizkieten kotxe barruko bidaiariei: "Ez zuten bobinen jatorriari buruzko azalpen koherente bat ematen jakin, eta agenteak informazioa eskatzea erabaki zuten". Ertzaintzak azaldu duenez, Gasteizko Jundiz industriaguneko enpresa bateko kontenedore batetik lapurtu zuten materiala.
Gaur goizean epailearen esku utzi dituzte atzo eguerdian atxilotutako 60, 40 eta 41 urteko hiru emakumeak eta 47 urteko gizonezkoa. Ertzaintzaren datuen arabera, atxilotuek aurrekari penalak zituzten; "emakume gazteena 30 aldiz izan da atxilotua, gizonezkoa, berriz, 23 aldiz".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
