Urtarrilaren 30ean izango da Maria Riveroren kontzertua Donibane aretoan

Izar Mendiguren Cosgaya 2021eko urtarrilaren 20a
Deskargatu Info Ahotsak :

Ugaon azaroaren 29an emandako kontzertuko irudi bat. / Sarea Sound System

"Kultur barikuak" dinamikaren barruan urtarrilaren 8an zen egitekoa emanaldia, baina osasun arazoengatik atzeratu behar izan zuten.

Orozkoko Donibane aretoan joko du Maria Rivero abeslariak, bere bandarekin. Urtarrilaren 30ean izango da kontzertua, 19:00etan. COVID-19 pandemiak eragindako egoera dela eta, aforo mugatua izango du emanaldiak. Horregatik, posta elektronikoz eman beharko da izena. Zehazki, Induman gauzatu beharko da erreserba, infoinduma@yahoo.es helbidera mezua bidalita. Sarrerek 3€ balioko dute, 12 urtetik gorako herritar ororentzat. 

Parentesiak diskoa aurkeztuko du abeslariak bere bandarekin, iazko martxoan argitaratutako lana

Tributu bandarekin taularatuko da Maria Rivero. Horien artean, eskualdeko zenbait kide daude, Eriz Perez urduñarra eta Gorka Chamorro arbidearra kasu.

Parentesiak diskoa aurkeztu zuen iazko maiatzean bakarlariak, baina banda formatura egokitu du lana. Hala, sortutako piezen lekuko izango dira hurbiltzen diren ikus-entzuleak.

 

 

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide