Ibarrako aniztasun funtzionala duten pertsonen zentroko arduradun batek txertaketa-protokoloa hautsi duela salatu dute

Ibarra auzoan dago zentroa. / Aiaraldea.eus

ESK sindikatuak egin du salaketa. Aniztasun funtzionala duten pertsonen zentroa kudeatzen duen taldeko arduradun batek, zuzeneko arreta egiten duten langileen aurretik jaso du COVID-19aren aurkako txertoa.

Orozkoko Ibarra auzoan dagoen aniztasun funtzionala duten pertsonentzako Jesus Maria artatze zentroan aurrez aurre lan egiten ez duen arduradun batek, bertako langileen aurretik txertoa jaso duela salatu du ESK sindikatuak. Zentroa Grupo Norte - Fundacion Aliados por la Integraci´0n taldearen barruan dago, eta bertako giza baliabide arloko arduradun bat izan da txertoa jaso duena.

Sindikatuak salatu duenez, urtarrilaren 18an Ibarrako instalazioetan aurkeztu eta COVID-19aren aurkako txertoa jaso zuen, protokoloa hautsiz. ESKko kideen arabera, arduradun honek ez du aurrez aurreko inolako jarduerarik garatzen egoiliarrekin. Gainera, nabarmendu dute, oraindik ez dietela txertoa jarri lantokiko behargin guztiei.

ESK sindikatuaren iritziz, Grupo Norte – Fundacion Aliados por la Integración taldeak Ibarrako azpiegiturez egiten duen kudeaketa "tamalgarriaren" adibidea da txertaketa-protokoloa haustea.

"Orozkoko Jesus Maria zentroa erantzukizun publikoko zentroa da, eta Euskadiko Gizarte Zerbitzuen legearen arabera Bizkaiko Foru Aldundiari dagokio haren eskumena". Gizarte Ekintzako diputatu Sergio Murilloren esku-hartzea eskatu du ESK-k: "Txertaketa-protokoloak urratzearen kasu berri honen inguruko erantzukizunak argitzeko, eta erlijio-kongregazioak Grupo Norte – Fundacion Aliados por la Integracion fundazioaren alde egindako azpikontratazioa lehengoratzeko".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide