Urteak dira liztor asiarra -Vespa Velutina- espezie inbaditzaileak Euskal Herrian agertu zenetik. Hazkundea egonkortu den arren, kalte larriak sortzen ditu ingurunean. Horregatik, intsektua gertuagotik ezagutu eta honi nola aurre egin aztertzeko hitzaldia antolatu dute Orozkon Gorbeialde elkarteak, Orozkoko Udalak, Bizkaiko Foru Aldundiak eta Bizkaiko erlezainen elkarteak.
Arreta berezia eskainiko diote hitzaldian liztor asiarrek erleengan duten eragina aztertzeari. Izan ere, erlezainena da espezie inbaditzaile honen agerpenak gehien kaltetutako sektoreetako bat. Aurreratu dutenez, liztorrak harrapatzeko tranpak nola jarri azalduko dute.
Hain zuzen, otsaila hasiera da tranpa horiek jartzeko sasoirik egokiena. Negua zuhaitz arteko zuloetan hibernatzen igarotzen dute liztor erreginek, eta martxoa aldera ateratzen dira bertatik zuhaitz adarretan habiak egin, arrautzak jarri eta larbak elikatzeko.
Bihar -otsailak 2-, Donibane Aretoan eskainiko dute hitzaldia, arratsaldeko 19:00etan. Sarrera librea eta doakoa izango da, aretoko edukiera bete arte.
Espezie inbaditzailea
Vespa Velutina ohiko liztorra baino 10-15 zentimetro handiagoa da, eta 35 zentimetro luze izan ditzake. 2004. urtean egin zuen lehen agerpena Euskal Herrian, ustez Ipar Euskal Herrira Bordeletik iritsitako egur kargamentu batean, eta geroztik zazpi lurraldeetatik hedatu da. Hazkundea egonkortu den arren, mehatxu larria izaten jarraitzen du.
Aiaraldean hainbatetan azaldu dira liztor asiarraren habiak, zuhaitz adarretan edota erakinetako teilatupetan.
Liztor beltzak Lanteorron
— Arabako Foru Suhiltzaileak (@BomberosAraba) July 10, 2020
Avispas asiáticas en Lanteorro pic.twitter.com/mACbFeQYSQ