ESK, CCOO eta LAB sindikatuek elkarretaratzeak deitu dituzte asteburuan Orozkoko Zubiaur Plazan. Ibarrako Madres Mercedarias zentroko egoitzak aniztasun funtzionala dutenekin egiten du lan, eta Grupo Norte enpresak kudeatzen du 2018az geroztik. Berez, Bizkaiko Foru Aldundiarena da eskumena, baina azpikontratazio bidez dirau martxan. Gauzak hala, euren azken lan hitzarmena iazko martxoaren 31n sinatu zen.
Lankidetza hitzarmena dute, ordea, eta bertan zehazten dira Bizkaiko Foru Aldundia eta Madres Mercedariasen zerbitzu baldintzak, finantzaketa barne. "Akordioak hirugarren sektorearen parte izatea suposatuko luke, eta zerbitzurako beharrezkoak diren baliabide guztiak ahalbidetzea", zehaztu dute. Horrez gain, lan baldintzak hobetuko lituzke.
Eskaera zehatzak
Mobilizazioen bidez ondorengo eskaerak egin dituzte:
- Diputazioko akordioa betetzea, bertako langileen lan baldintzak hobetzeko.
- Enpresa kudeatzailearekin kontratua haustea (Grupo Norte).
Aurrera begira, Orozkoko Udalean mozioa sartzea izango da hurrengo pausoa. Bien bitartean, hauteskunde sindikalak izango dira zentroan.
Aiaraldea Hedabideak bihar plazaratuko du mobilizazioen bideoa, sindikatuen ordezkariaren adierazpenekin.