Emakumeak eta Kolonbiako bake prozesua hizpide Orozko Museoan

Xiomara Torres eta Erika Aguirre ekintzaileek erakusketa daukate ikusgai Orozko Museoan eta, horrez gain, atzo hitzaldia eman zuten Kolonbiako bake prozesuari buruz aritzeko, emakumeen ikuspuntutik bereziki.

Kolonbiako bake prozesuak hartu du Orozko Museoa azken egunotan. Izan ere, Xiomara Torres eta Erika Aguirre ekintzaileek argazki erakusketa izan dute bertan ikusgai.

Horrez gain, atzo solasaldia eskaini zuten bake prozesuari, emakumeei, espetxeari eta euren egoerari buruz aritzeko. Hasteko, dokumental laburra proiektatu zuten emakumeen bizimodua azaltzeko, bai FARC erakunde politiko-armatuaren barruan, zein Kolonbiako landa eremuan. Jorratutako gaien artean amatasuna egon zen, gerrillariak ere amak baitira. Halaber, gerrillan emakumeek izandako bilakaera ere landu zuten. Izan ere, sukaldari hutsak izatetik, borrokalariak eta agintariak izatera igaro dira.

Gero, bake prozesuaren ondorioetara jo zuten. Berez, gobernuaren inplikazio eza salatu zuten emakumezkoek, eta argitu zuten bake prozesura atxikitu ziren 400 lagun erail dituztela. Hain zuzen, hilketa olatu horren lehenengo biktimaren hileta islatu dute argazkietan.

Horrez gain, nabarmendu zuten indarkeria politiko hori ez dagoela bakarrik bake itunaren sinatzaileei lotuta, azken urtean 14 ikasle antolatu hil baitituzte.

Espetxea

Kolonbiako genero indarkeriari buruz mintzatu eta gero, hizlariek herrialdearen espetxe sistema deskribatu zuten, emakume asko bere umeekin preso baitaude, lapurtzeagatik edota drogen trafikoagatik. Torresek eta Aguirrek azpimarratu zuten kartzelan osasun bermerik gabe dauden emakumezko gehienak txiroak izateagatik daudela hor.

Hori kontatu zuten, euren esperientziatik abiatuta. Hain zuzen, biak egon dira espetxean ekintzaileak izateagatik. Biek kontatu zuten muntaia polizial eta politiko baten biktimak izan direla. Gauzak horrela, orain asilo politikoa eskatu dute Europan. Maiatzaren amaieran egingo da publiko euren epaia eta 30 urteko kartzela zigorra eskatzen diete.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide