BIDEO ELKARRIZKETA

Orozkoko pala jokalariak, denboraldia borobiltzeko final handien atarian

Aimar Gutierrez Bidarte 2021ko uzt. 9a, 07:00
Deskargatu Info Ahotsak :

Asteburu borobila izan zuten aurrekoa NAROA SAEZ, UXUE ETXEBARRIA, NEREA ISUSI eta OLATZ ZULAIKA Orozkoko pala jokalariek, eta Bizkaia Kup txapelketa irabazi zuten. Larunbatean -uztailak 10- Euskal Herriko Irekiko finalak jokatuko dituzte Mallabian. Aiaraldea komunikabidearekin elkartu dira asteburuko hitzorduaren aurreko sentzazioak trukatzeko.

Orozkoko Olgetan pilota elkarteko pala jokalariak dira Naroa Saez, Uxue Etxebarria, Nerea Isusi eta Olatz Zulaika. Larunbatean -uztailak 10- Euskal Herriko Irekiko finalak jokatuko dituzte Mallabian, aurreko asteburuko finalerdietan gailentzea lortu ostean.

Finalerdiak jokatzeaz gain, Bizkaia Kup txapelketa irabaztea lortu zuten ere Larrabetzuko frontoian, Olarreta elkarteko bikoteak garaituz.

Euskal Herria Irekia txapelketa

Larunbatean jokatuko dituzte Euskal Herria Irekia pala txapelketako finalak Mallabiako frontoian. Hilabeteak pasa dituzte ikuslerik gabe jokatzen, baina indarrean dauden neurri berriek zaleen presentzia ahalbidetzen dute harmailetan. 

Saez eta Etxebarriak Hernaniko pala jokalarien aurka lehiatuko dira 3. mailako finalean. Isusi eta Zulaikak, aldiz, Errekaleorreko neskak izango dituzte aurrez aurre 2. mailako finalean. Lau jokalariek Mallabiako frontoira gerturatzeko deia egin dute, baina zuzenean emitituko dituzte partidak Olgetan pilota elkarteko Facebook orriaren bidez, bertaratu ezin direnentzat.

 

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!