Hilabete osoko egitaraua prestatu dute Orozkon irailera begira

Bertan behera geratu dira 2021eko San Antolin jaiak. / Aiaraldea.eus

Irailean garatuko den egitaraua prestatu dute Orozkon San Antolin festak ordezkatzeko. Kontzertuetaz, pilota partidetaz eta beste hamaika ekintzetaz gozatu ahalko dute herritarrek.

Aaurten Sanantolinek ez dituzte herriko kaleak festa giroz beteko iraileko lehenengo egunetan. Horrela ebatzi zuten Antolinzaleak Jai Batzordeak eta Orozkoko Udalak herriko eragileekin hainbat bilera egin ostean. Orozkok, ordea, ez dio uko egin ekimen kulturalez jositako hilabete batez gozatzeko aukerari, eta hilabete osoko agenda kulturala prestatu dute. Herriko eragile desberdinek aletxoa jarri dute egitaraua prestatzeko. Irailaren 11tik aurrera dantzaldiez, umeentzako jolasez, pilota partiduez eta kontzertuez gozatzeko aukera izango dute Orozkoko bizilagunek. Irailaren 11 eta 12an umeen egunak ospatuko dituzte. Irailaren 18an, berriz, Garrafa eguna egingo dute. Irailaren 19an Dantzaldia antolatuko du Ubixeta elkarteak.Musikak ere izango du bere txokoa iraileko egitarau oparoan. Irailaren 25ean Amurrioko Musika Eskolako ikasleak San Juan elizako oholtzan izango dira. Irailaren 26an, berriz, Jentilzuloko kideek Sorotan Bele taldearen omenezko kontzertua antolatuko dute.

PIlota partidak

Olgetan pilota elkarteak ere bere tokia egin du iraileko agendan. Astebururo egongo dira pilota partidak herriko frontoian abuztuaren amaieratik hasita urrira arte. Izan ere Orozko Cup emakumezkoen txapelketa jokatuko da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide