Izaro Agirrek irabazi du Orozkoko 'KulturIraila 21' kartel lehiaketa

Izaro Agirreren ilustrazioa gailedu da lehiaketan. / Orozkoko Udala

Orozkon irailean zehar antolatuko diren kultur eta kirol ekintzen irudia izango da kartela.

Orozkoko Udalak maiatzean jarri zuen abian udako kartel lehiaketa, urtero bezala. Bertan, Orozkon erroldatutako pertsona orok parte hartzeko aukera izan zuen. Bakoitzak, gehienez, 3 kartel aurkeztu zitzakeen, oinarri batzuei jarraituz. Saritutako lanak udalaren jabetzapean geratuko dira, bertan argitaratzeko eta erakusteko helburuarekin.

Kartelak aurkezteko epea uztailaren 31n bukatu zen, eta gaur jakinarazi du Orozkoko Udalak aurtengo irabazlea Izaro Agirre izan dela. Bere lana Orozkon irailean zehar antolatuko den kultur eta kirol ekintzen irudia izango da. Halaber, 300 euroko saria jaso du egileak. Bigarren sailkatuak, Montse Ibarrondok, ordea, 200 euro jaso ditu.

Bestalde, ez da irabazlerik egon umeen kategorian, ez delako parte hartzerik egon.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide