Orozkoko Film Laburren lehiaketa eta rallya abian berriz, seigarrenez

Hiru sari banatuko dituzte parte hartzaileen artean. / Supelaur

Azaroaren 26ra arte egongo da lehiaketara lanak aurkezteko epea. Rallya, aldiz, abenduaren 3 eta 4an egingo dute. 

Orozkoko Film Laburren Lehiaketa abiatu du Supelaur kultur elkarteak, seigarrenez. Azaroaren 26ra arte egongo da lanak aurkezteko epea. Honako helbide honetara bidali behar dira ikus-entzunezkoak: supelaur.kt@gmail.com. 

Bi sari egongo dira, publikoarena eta epaimahaiarena, biak ala biak 250 eurokoak. 

Rallya

Horrez gain, film laburren rallya ere egingo dute, aurreko urteetako dinamikari eutsiz. Abenduaren 3an eman beharko da izena, 17:00etan Supelaurrek Orozkon duen egoitzan. Parte hartzaileek 24 ordu izango dituzte filma grabatu eta editatzeko, biharamunean entregatu beharko baitute bideoa MP4 formatuan, toki eta ordu berean. 

Lanek 3 minutuko iraupena izan ahalko dute gehienez eta kasu honetan sari bakarra egongo da, 250 eurokoa. 

Euskararen presentzia

Euskarari ematen zaion garrantzia da ekimen hau antzeko beste batzuetatik bereizten duena. Antolatzaileek euskarazko edo euskaraz azpi-idatzitako lanak baino ez dituzte onartuko lehiaketa zein rallyan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide