Santa Luzia azoka ospatuko dute berriro datorren abenduaren 11n, baina abererik gabe

Aimar Gutierrez Bidarte 2021eko abenduaren 1a
Deskargatu Info Ahotsak :

Aurtengoan ez dute ohiko Terreña arrazako behien txapelketa egingo, COVID-19aren eraginagatik. / Aiaraldea.eus

Pandemiak eragindako urtebeteko etenaldiaren ostean, Santa Luzia azoka antolatuko dute berriro Orozkon. Aurten, ordea, ez dute terreña arrazako behien txapelketa egingo, osasun egoera dela eta.

Gutxika, eta beti ere pandemiaren eboluzio gora-beheratsua gertutik jarraituta, urteroko hainbat ekintza berreskuratzeari ekin dio Orokoko Udalak, tartean, abenduko Santa Luzia azoka. 

Gauzak horrela abenduaren 11n antolatuko dute feria, baina aurtengoan ez dute ohiko Terreña arrazako behien txapelketa egingo, COVID-19aren eraginagatik, eta Udalak ziurtatu duenez "osasun neurri guztiak errespetatuko dira" gainerako ekintzetan.

Goizeko 10:00etatik 14:00etara egingo dute tokiko produktuen azoka. 11:00etatik 14:00etara Felix Pikatza arotzaren Kalaka egurrezko jolasak egongo dira gazteen eskura, baita 6 eta 12 urte bitarteko haurrentzako bisita gidatuak ere. Azkenik, artisauen zonaldean saskigintza ikuskizuna eskainiko dute. Gainera, 30 euroko erosketa bakoitzeko merkatuko produktuez osatutako opari bana eskainiko diete herritarrei

Ekonomia Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide