Gabonetako oporraldietarako aisialdi eskaintza plazaratu du Induma elkarteak, Orozkoko gazteei bideratuta. Ohi gisa, Gazte txokoan egingo dituzte jarduera guztiak. Jaiotza urtearen arabera banatuta, hainbat ekitaldietan hartu ahalko dute parte herritarrek. Horretarako, baina, abenduaren 15a baino lehen eman beharko da izena Indumako bulegoan, edota posta elektroniko bidez (infoinduma@yahoo.es).
Egitasmoa 2012-2016 urteen artean jaiotako bizilagunei zuzendua dago. Aforo aldetik arazorik balego, bi txanda egiteko asmoa iragarri dute. Ekintzen artean tailerrak eta kantu-jolasak gailendu dira:
- Gabonetako karaokea
- Gabonetako koroa
- Erretxina tailerra
- Argi faroltxo tailerra
- Gabonetako filmak
- Just dance
Dena den, aurreratu dutenez, goizetan Gabonetako ekintzak izango dituzte, baina arratsaldean ohiko funtzionamenduari eutsiko diote, gazteei tokia eskaintzeko xedearekin.
Horrez gain, urtarrilaren 3an eta 4an gabonetako jolas parkea atonduko dute kiroldegian. Hemen ikusi daiteke programazio eta informazio guztia: