Orozkoko haraneko kondaira mitiko ilustratuak liburua argitaratu du Supelaur elkarteak, Orozkoko Udalarekin elkarlanean. Floren Usia Barbara dago proiektuaren atzean, eta berarekin hitz egin dugu argitalpenaren nondik norakoak ezagutzeko.
Zer diño aldizkarian dago album ilustratuaren proiektuaren sorburua, Usiak azaldu duenez. Bertan hasi zen bera kontakizunak ilustrazioekin plazaratzen.
Dena den, liburua osatzerako orduan Anuntxi Aranaren ikerketa izan dute ardatz. Antropologo aiararrak Orozkoko ahozko kondairei buruz egin zuen tesia, eta lan horretako 6 kontakizun baliatu dituzte albuma osatzeko. "Ni ilustratu eta maketatzera mugatu naiz, besterik gabe", erantsi du Usiak. Dani Cabrera artista laudioarraren laguntza izan du horretarako.
Orozkoko bizilagunen ahoetatik entzun eta jaso zituen Aranak kondaira horiek bere tesian. "Liburuan jaso ditugu 6 kontakizunak emakumeek kontatutakoak dira", nabarmendu du ilustratzaileak. Horrez gain, bitxikeria bat ere jaso dute argitalpenaren azken orrian: Dimako errotariek erabiltzen zuten zenbaki sistema.
Doako banaketa orozkoarren artean
Liburua doan banatu dute Orozkoko bizilagunen artean. Horretarako hainbat zita jarri dituzte azken egunetan. Momentuz, ez dute herritik kanpora eramateko asmorik.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide