Ertzaintzako Zaintza eta Erreskate Unitateko mendiko atalak familia baten bila jo behar izan zuen Itxinara atzo. 19:00ak aldera deia egin zuten 112 telefono zenbakira jakinarazteko bidea galdu zutela Itxina eta Orozko artean, iluntasunaren ondorioz.
Gauzak horrela, polizia harremanetan jarri zen familiako kide batekin, baina sakelakoa bateria gabe geratu zenez, ezin izan zuten kokapena zehaztu. Azkenean, 20:30ak aldera ertzainek bi helduak eta bi adingabeak topatu zituzten eta denak onik zeuden. Behin aurkituta, Orozkoraino lagundu zituzten, han baitzuten autoa aparkatuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
