Parapentistek Aiaraldeko zerua hartu dute Aste Santuan, Bizkaiko Txapelketa lehiatu baita

Bizkaiko Parapente Txapelketa lehiatu da Aste Santuan Orozkon. Arrola mendian abiatu zituzten probak eta eskualde osotik mugitu dira kirolariak.

Ostiraletik igandera bitartean lehiatu da Orozkon Bizkaiko Parapente Txapelketa. 53 kirolarik eman zuten izena, baina guztiek ez zuten parte hartu proban, Katalunia, Kantabria edota Espainiako Estatuko beste puntu batzuetatik bertaratu baitziren asko. Alemaniatik eta Britaina Handitik ere hurbildu ziren Orozkora.

Arrola mendiko Santa Marina ingurutan hasi dira hitzordu guztiak, ostegunekoa barne -entrenatzeko baliatu zena-. Parapentistek Aiaraldea osoa zeharkatu dute airetik. Irudietan ikus daitekeenez, Gorobelera jo zuten egun batean eta atzo Laudio zuten helmuga.

Gorka Uribe Aldekoa izan da irabazlea eta Joseba Sobron Mendibil bigarrena. Gorka Tornos Zabala sailkatu zen hirugarren eta Maite Uribarri Sarasola izan zen hamargarrena, hobeto lehiatu zen emakumezkoa, alegia. Eskualdeko parapentistak ez ziren falta, Orozkoko taldeak antolatu baitzuen dena. Aiaraldearren artean Andres Larrinaga edota Asier Sanchoyerto zeuden.

Atzo banatu ziren sariak Zubiaur plazan arratsaldean, azken proba amaitu ostean.

Ibilbide guztiak batuta, 170 kilometro baino gehiago egin dute hegan eta nahiz eta gaur ere lehiatu behar ziren, atzo eman zuten amaitutzat proba, eguraldi iragarpena ez baitzen ona. Hala ere, gaur ere parapentistak Orozkon egon dira bestelako jarduerak egiten.

Argazkiak: Aitor Aspuru, Rakel Albeniz, Leire Etxaburu, Iñigo Gabiria

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide