11 rock kontzerturekin itzuliko da Orozkorock jaialdia, maiatzaren 21ean

Izar Mendiguren Cosgaya 2022ko mai. 2a, 15:28
Deskargatu Info Ahotsak :

Orozkorock elkarteak antolatu du ekimena. 2018an egin zuten lehenbiziko aldiz. / Aiaraldea.eus

Orozkorock.eus webgunean daude salgai sarrerak. Ostiraleko eta larunbateko kontzertuen hurrenkera eta ordutegiak zabaldu dituzte dagoeneko.

Bi aste baino ez dira falta Orozkorock jaialdiaren edizio berrirako. Herriko elkarteak antolatu du egitasmoa, beste urte batez. Larunbatean ez ezik, ostiralean ere egongo dira kontzertuak. Guztira, 11 rock emanaldi egongo dira Orozkon, Orozkorock elkartearen eskutik. Ostiraleko sarrerek 15 euro balioko dute, eta larunbatekoek 20€. Dena den, bonoa erosteko aukera ere egongo da: 30€ balioko du kontzertu guztietarako sarrera sortak.

Ekimenaren nondik norakoak elkartearen webgunean eta sare sozialetan zabaldu dituzte. Izan ere, ostiral iluntzean zein larunbatean arratsaldetik aurrera eskainiko dute musika jaialdiaz gozatzeko aukera. Ondorengoak izango dira taularatuko diren taldeak, hurrenez hurren:

  • Kurkuma
  • Eraso!
  • Sua
  • Viva Belgrado
  • The Clavton
  • Niña Coyote eta Chico tornado
  • Los Brazos
  • Toundra
  • Ezpalak
  • The lizards
  • The andras show

Aiaraldea Komunikabideak ekimenaren jarraipen berezia egingo du datozen asteetan. Besteak beste, larunbateko jaialdirako sarrera bikoitz bat zozkatuko du erabiltzaileen artean. 

May be an image of text that says 'ROCK fo0 ORDUTEGIAK HORARIOS KURKUMA 20.00 ERASO! 21.10 SUA 22.30 ATE VIVA BELGRADO 23.50 18.40THE CLAVTON 19.50 NIN‘A COVOTE ETA CHICO TORNADO 21.20 OLOS BRAZOS 22.50 TOUNDRA ATE 00.30 EZPALAK 01.50 THE LIZARDS 03.00 THE ANDRAS SHOW SARRERAK SALGAI ENTRADAS LA VENTA www.orozkorock.eus'

Urte gutxian, ibilbide luzea

2018. urtean antolatu zuten lehenbiziko aldiz Orozkorock festibala. Hurrengo urtean, 2019an, abesti propioa egin zioten ekimenari Fetitxe taldekoek, bideoklip eta guzti:

2020an, berriz, pandemia bete-betean, ezin izan zuten jaialdia prestatu. Alabaina, ikus-entzunezko zabala plazaratu zuten rock doinuek etenik ez izateko:

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!