Atzo hasi zen Orozkorock jaialdia. Motorrak berotzeko balio izan zuen egitasmoaren lehen kontzertu sortak. Bikain antolatuta, oholtza hartu zuten Kurkuma, Eraso, Sua eta Viva Belgrado taldeek. Kurkuma izan zen ezuste handiena, Erasok metalaren alde ezberdinak landu zituen, Suak doinu garaikideenak jarri zituen eta Viva Belgrado izan zen gaueko plater nagusia.
Gaur 18:40ean hasiko dira musika emanaldiak eta nabarmen luzatuko dira, The Clayton, Niña Coyote eta Chico Tornado, Los Brazos, Toundra, Ezpalak, The Lizzards eta The Andras Show taldeen txanda izango baita.
Nabarmentzekoa da, gainera, Orozkorockeko antolatzaileek Javi Arrugaeta Guaresti 'Titi' herritarrari omenaldi xumea egin ziotela, topa proposatuta. Orozkoarra aste honetan bertan hil zen eta rockzale amorratua zen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.