Gaurko Udal Osoko Bilkuran onartu da Amurrioko Hiri Antolamendurako Plan Orokor berria. Orain Amurriok oharra plazaratu du hori balioan jartzeko. Izan ere, talde politikoaren ekarpen ugari txertatu dituzte behin betiko dokumentuan.
Lau dira udalaren partetik lortu dituzten konpromisoak, opozisioko taldeak zehaztu duenez:
- Plangintzaren egikaritze publikorako organo bat ezartzea.
- Lurzoru-parke publiko bat sortzea, “higiezinen espekulazioa saihesteko asmoz”.
- Planean zehaztutako zuzkidura-bizitokien eraikuntza kudeatzeko beharrezko baliabide ekonomikoak esleitzea.
- % 15eko lagapenetik lortutako lurzoruetan eraikitzen diren etxebizitzak alokairuzkoak izatea, “hori eragozten duten oztopo geldiezinak” daudenean salbu. Azpiegitura horiek eta lurzorua bera udalaren jabetzakoak izango dira beti eta, ondorioz, “haren gainean dauden etxebizitzak ez dira inoiz salmenta pribatuaren edo azalera-eskubidearen mende egongo”.
Aurrera atera ez diren proposamenak
Hala ere, Orain Amurriok gehitu du bere udal gobernuak ez dituela bere proposamen guztiak aintzat hartu. Baso-lurzorua gehiago babestea edota eremu integratu askotan etxebizitza-kopurua aldatzea planteatu zuen talde politikoak, etxebizitza hutsei zergak %50 igotzearekin batera.
Gauzak hala, hirigintza-plana aurrera ateratzen dela ziurtatzera bideratuko dituzte indarrak eragile politikoko kideek hemendik aurrera. “Etxebizitza eskubidean” jarriko dute begirada batez ere. Ildo horretan, opozisioko taldeak bere lorpentzat jo du gazteen emantzipaziora 30.000 euroko programa bideratzea:
18-35 urte bitarteko gazteen emantzipazioa bultzatzeko alokairuaren ordainketan laguntza zuzena
— Amurrio Udala Ayto (@AmurrioUdala) June 30, 2022
Klikatu esteka honetan eta egizu alokabide-testa, alokairu-errenta ordaintzeko laguntza eskatzeko hasierako baldintzak betetzen dituzun jakiteko ➡ https://t.co/HmW0DnNknL pic.twitter.com/tF2GV12jWR