Kriterium lasterketaren III. edizioa antolatu du Orozkoko Txirrindularitza Elkarteak. Azaroaren 19an, larunbatean, izango da, 12:00etatik aurrera. Lasterketen ostean, antolatzaileek omenaldi xumea egingo diote Lombarian bere karrera amaitu berri duen Mikel Nieveri.
Nievek ez du Orozkoko norgehiagokan parte hartuko, baina bai beste 12 txirrindulari profesionalek:
- Jon Aberasturi
- Xabier Mikel Azparen
- Unai Iribar
- Ibon Ruiz
- Igor Arrieta
- Jon Agirre
- Ander Okamika
- Aritz Bagues
- Jon Barrenetxea
- Josu Etxebarria
- Omar Fraile
- Juan Amezketa
- Jokin Murgialday
Hiru kategoria egongo dira Kriteriumean: emakumezko elitea eta 23 urtetik beherako txirrindulariak, gizonezko txirrindulari profesionalak eta, azkenik, gizonezko txirrindulari ohiak.
Emakumeen artean hurrengoak lehiatuko dira:
- Andrea Lastra
- Carlota Casanueva
- Lur Florido
- Olatz Camino
- Lukene Trujillano
- Idoia Eraso
- Sandra Gutierrez
- Usoa Ostolaza
- Ziortza Isasi
- Udane Bilbao
Lehenengo lasterketa, emakumeena, 12:00etan hasiko da eta hurrengo biak 12:45ak eta 13:30ak aldera abiatuko dira, hurrenez hurren. Ekitaldiak iraun bitartean, hainbat kale trafikora itxiko dituzte. Antolakuntzak azaldu bezala, "20 minutuko mozketak izango dira".
Aurreko edizioekin alderatuta, parte-hartze altuagoa espero dute aurten. "Iaz 5 gizonezko profesional izan genituen; aurten, ordea, 12 izango dira", adierazi du bertoko txirrindularitza elkarteko kide den Carlos Isusik. Emakume txirrindularien presentzia ere bikoitza izango da; iaz 5 txirrindularik korritu zuten eta aurten 10 aurreikusten dituzte, hain zuzen. Txirrindulari ohien kategorian, bestalde, iazko kirolarien zenbatekoa mantendu dute, hots, 11 egongo dira orotara.
Profesional ohiei dagokienez, ibilbide nabarmena izan duten kirolari euskaldunak elkartuko dira Orozkon:
- Iban Mayo
- David Lopez
- Joseba Beloki
- Amets Txurruka
- Jose Antonio Garrido
- Mikel Zarrabeitia
- Ruben Perez
- Iñaki Isasi
- Lucas Casas
- Pedro Horrillo
- Igor Anton
- Haimar Zubeldia
- Asier Maeztu
- Unai Elorriaga