Goizean goizetik feria usaina igarri da Orozkoko kaleetan. Batetik, 10:00etan abiatu dute Terreña arrazako Euskadiko Lehiaketa; eta abereek bete dute Hegoalden egokitutako gunea. Bestetik, inguruetako ekoizle eta artisauek euren postuak kokatu dituzte herriko gune anitzetan. Hala, eguraldia lagun, ehunka pertsona elkartu dira azokaren baitan atondutako eremuetan.
Hegoalde izan da Santa Luzia azokako iparra. Izan ere, abereen gunea ez ezik, bertan kokatu dute dastaketarako karpa eta tokiko ekoizleen azoka. Horiez gain, ez dira falta izan talo postuak.
Dastaketek ere ezaugarritu dute aurtengo edizioa. Hain zuzen, ogia, txakolina eta haragi hanburgesak probatzeko aukera eskaini dute antolatzaileek. Frontoia, aldiz, artisauen erakusketa eta salmenta gune bilakatu da goiz osoan zehar. Hala, asko izan dira abenduko bigarren larunbatean Orozkoko azoka egun handiarekin bat egin dutenak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide