Emakume baserritar onenaren saria jaso zuen Urigoitiko Txorizoak Bilboko Santo Tomas azokan

Izar Mendiguren Cosgaya 2022ko abenduaren 28a
Deskargatu Info Ahotsak :

Urigoitiko txorizo ekoizleentzat izan zen emakume baserritar onenaren saria. / Urigoitiko Txorizoak

Bilboko azoka ospetsuan saritu zituzten Orozkoko Urigoitiko Txorizoak, abenduaren 21an. Hain zuzen, emakume ekoizleen artean txapeldun izendatu zituzten.

Gabon-betean buru-belarri dabiltza Urigoitiko Txorizoak prestatzen. Hala aitortu dute sare sozialetan Orozkoko ekoizleek. Abenduaren 21ean, Bilboko Santo Tomas egunean egon ziren lanean, beste eskualdeko ekoizle ugari bezala. Alabaina, ez ziren esku hutsik etxeratu: Emakume ekoizleen lehen saria eman zioten txorizo ekoizleari.

"Sekulako ohorea da guretzat, oso urte zaila izan baita. Nire ibilbide eta egiteko moduari aitortza egitea da saria"

"Sekulako ohorea da guretzat, oso urte zaila izan baita. Nire ibilbide eta egiteko moduari aitortza egitea da saria", erantsi du ekoizleak. Ildo beretik, proiektua egunerokoan babesten aritu diren lagun guztiei zabaldu diete esker mezua.

Azpimarratu dutenez, hiritik hirira ibili dira azken egunetan. Izan ere, asteburuan Gasteizko Foru plazako azokan egon ziren.

May be an image of 12 pertsona

 

Ekonomia Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide