Orozkoko Udaleko aurrekontu soberakina hiru proiektura bideratzea adostu du EH Bilduk Adie eta EAJrekin, oposizioko taldeak azaldu duenez.
Alde batetik, eguzki plakak jarriko dituzte udal eraikinetan, "Orozkoko Udalak eraikinen energia-ziurtapenerako eta jasangarritasun energetikorako jarduera-plana egiteko lanak hasteko".
Bestetik, herriko "puntu beltzak" ezabatuko dituzte, hainbat zonaldetako argiteria handituta.
Horrez gain, lehen sektorean belaunaldi aldaketa sustatzeko plana garatuko du tokiko erakundeak, "horretarako beharrezkoak diren teknikariak kontratatuz".
EH Bilduk gogorarazi du hiru proposamenak aurkeztu zituela 2023ko udal aurrekontuetarako, baina Adieren udal gobernuak "guztiak" baztertu zituela.
Horren ostean etorri da hiru egitasmoak aurrekontu soberakinarekin garatzeko akordioa. "Legegintzaldi honetan, lehen aldia da Udalaren diru-kutxan inbertitu gabe geratzen den diruarekin egiten dena modu adostu batean erabakitzen dela", nabarmendu du oposizioko taldeak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
