Arrugaeta, zazpi hamarkadako lan eta biziari agur esateko prest

Izar Mendiguren Cosgaya 2023ko mar. 22a, 12:45
Arrugaeta taberna, Orozkoko jaietan. / Aiaraldea.eus

Igandean itxiko dute Arrugaeta taberna, 70 urte eta gero. Familia kudeatzaileak esker mezua zabaldu du etapa itxi aurretik. 

Arrugaeta jatetxea zazpi hamarkadetan zehar kudeatu duen familiak agur esango dio negozioari igande honetan. Hilabete hasieran iragarri zuten itxiera, eta esker mezua zabaldu dute bertako kide Mertxe, Juampe, Klemen eta Txarok. 

"Gauza asko esan nahiko genituzke, baina oso zaila da hitzak topatzea. Batez ere, zuen maitasun eta konfidantza eskertu nahiko genituzke"

"Gauza asko esan nahiko genituzke, baina oso zaila da hitzak topatzea. Batez ere, zuen maitasun eta konfidantza eskertu nahiko genituzke, urte guzti hauetan batera bizitakoengatik eskerrak emateaz gain", nabarmendu dute. 

Agurra iragartzea ez da erraza izan: "Despedida ez da erraza, baina lortu dugun guztiarekin oso pozik gaude. Oso momentu zoriontsuak daramatzagu gurekin, oroitzapen ahaztezinak, eta batez ere, jendearen maitasuna, beti sentitu baitugu hori".

Azken egunak badituzte ere, ibilbide edo familia negozioaren hasierara itzultzea nahi izan dute: "Despedida une honetan gure gurasoak izan nahi ditugu gogoan, Clemente et aTxefi, eurek eman zituzten lehen pausoak familia negozio bilakatuko zen bizi proiektu honetan. Eskerrik asko".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide