Orozkorock musika jaialdian parte hartzeko sarrera bikoitza zozkatuko du Aiaraldea Komunikabideak eta interesdunek hemen eman dezakete izena.
Aurtengo talde ezagunena Su Ta Gar izango da, zeinak Alarma disko berria aurkeztuko duen. Edonola ere, metal doinuetatik haragoko proposamenak erakarri dituzte antolatzaileek. Esaterako, Eskean Kristo jaialdira itzuliko da, baina Kristonak izenarekin.
Capsula talde argentinar-bilbotarraren rock psikodelikoa ere egongo da, eta Bartzelonatik Los Tiki Phantoms surf talde dibertigarria etorriko da. Pinpilinpussies bikoteak bere ukitua emango dio emanaldiari eta Virginia Fernandez Seda proiektuarekin igoko da oholtzara.
Rodeo zeztoarrek stoner generoa hurbilduko dute, eta Lukiek bizkaitarrek rockaren bidea hartuko dute. John Dealer and the Coconuts rock eskandinaviarra jorratuko dute eta K-Billy eta Go-Freak DJek itxiko dute kartela.
Maiatzaren 19ko kontzertuen sarrerak 15 euro balioko du eta 20koa, aldiz, 25 euro. Bi eguneko bonoa 30 eurotan dago salgai. Jentilzulon edo Internet bidez eskuratu daitezke.