Maiatzaren 28ko udal hauteskundeetan aurkeztuko da lehenengo aldiz Elkarrekin Podemos Orozkon. Horretarako, Pablo Gomez Lara izango du zerrendaburu alderdiak.
Gomezek 52 urte ditu eta duela bederatzi bizi da udalerrian. Bilbokoa da jatorriz eta zientzia biologikoetan lizentziaduna bilakatu ondoren, hainbat urtez lan egin zuen farmazien industrian. Pandemia garaian, ordea, bihotzeko arazoa izan zuen eta horren ondorioz ezgaitasun osoa du eta ezin du lanik egin.
Hautagaiak azaldu dio Aiaraldea Komunikabideari ez duela eskarmenturik politikan eta Elkarrekin Podemosera hurbildu zela eskualdeko kolektibo batean aritzen delako eta jakin nahi zuelako zein zen alderdiaren jarrera bere kolektiboak lantzen duen esparruan. Ikusita erakundeak bat egiten zuela bere planteamenduekin arlo horretan, eskaintza onartu zuen alkategai izateko.
Pablo Gomez Lararen ustez, Adieren desagerpenaren ondoren, beste bozka aukera bat eskaini nahi dute, umezurtz geratu diren bozkatzaileentzat. Hautagaiak adierazi du, halaber, zerrendako lehen hiru kideak orozkoarrak direla eta besteak alderdiko kideak.
Honako hau da Elkarrekin Podemosen zerrenda Orozkon:
1. FRANCISCO PABLO GÓMEZ LARA Jauna.
2. ITXINE LOPEZ GALDEANO Andrea.
3. OSCAR GALLEGO BENAVENTE Jauna.
4. WALTER FABIAN CABRERA YAGUANA Jauna.
5. MIREN JAYONE URIZAR BARUA Andrea.
6. MANUEL CRUZ VÁZQUEZ Jauna.
7. MARIA BELEN AXPE PINO Andrea.
8. FRANCISCO JAVIER MORENO MARIN Jauna.
9. SANDRA ALVAREZ DIEZ Andrea.
10. JOSE IGNACIO ZANCA ASENSIO Jauna.
11. ANA MARIA CASTRO OLIVER Andrea.