Pasa den ostegunean Donibane Aretoan egin zuen EAJk udal eta foru hauteskundeetako kanpainako ekitaldi nagusia. Herriko zein inguruko alkategaiak eta zerrendakideak ez ezik, Ana Otadui Bizkaiko Batzar Nagusietako presidenteak hitz batzuk eskaini zituen.
Hain zuzen, Otaduik abstentzioaren kontrako mezu argia zabaldu zuen, azpimarratuta garrantzitsua dela boto eskubidea praktikan jartzea. Horrela, goraipatu eta eskertu zuen EAJk Orozkon egiten duen lana eta Aitor Iza alkategai egokitzat jo zuen, "etapa berriari hasiera emateko hautagai ona" dela iritzita.
Izak, bere aldetik, eskerrak eman zizkien ekitaldira gerturatutako herrikide eta jetzaleen programari buruz mintzatu zen. Zerbitzu publikoak hobetzeko beharra, auzoen garrantzia, euskararen aldeko konpromisoa, edota energia berriztagarriak izan zituen hizpide.
Halaber, Madres Mercedarias zaintza zentroko langileei buruzko adierazpenak ere egin zituen, azaltzeko ahal duen neurrian lagunduko dituela.
Amaitzeko, bere zerrenda osatzen dutenei eskerrak eman zizkien eta EAJrentzako boza eskatu zuen: "Bizitza aukerak dira eta honako hau paregabea izango da".
Argazkiak: Orozkoko EAJ