Urriko Udal Osoko Bilkuran aurrera egin zuen EH Bilduk aurkeztutako mozioak Euskalgintzaren Kontseiluak antolatutako mobilizazioaren harira. Jeltzaleek eta koalizioak bat egin zuten Bilbon azaroaren 4an egingo den manifestazioa babesteko.
Uztailaren 6an Espainiako Konstituzio Auzitegiak udalerri euskaldunei euskara hutsez funtzionatzeko aukerak murriztu zizkien, EAEko Udal Legeko 6.2. artikulua partzialki baliogabetuta. Epaiak, Udal Legearen aurka, udalei euskara hutsez aritzeko aukera ezeztatu zien. Emandako epaiaren aurrean, kezka larria erakutsi dute EAJ eta EH Bilduko udal talde politikoek.
Era berean, euskararen normalizazio eta biziberritze prozesuari oztopoa jartzearen aurka, hizkuntza-politikak garatzeko herritarren eta udalen erabakimenaren defentsa egin du Orozkoko Udalak.
Gauzak horrela, tokiko erakundeak herritarrak deitu ditu azaroaren 4an Euskalduna Jauregitik 17:00etan aterako den mobilizazioan parte hartzera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
