Potolari Bertso Eskolako ikasleak izan ziren Uxue Alberdi eta Onintza Enbeitaren laguntzaileak

Erredakzioa 2023ko abenduaren 4a

Larunbatean izan zen Potolari Bertso Eskolak urtero antolatzen duen bertso saioa, Supelaur Kultura Elkartearen egoitzan. Uxue Alberdik eta Onintza Enbeitak jende ugari erakarri zuten lokalera.

Larunbatean izan zen bertsolazaleek urtero Orozkon duten hitzordua. Aurten Uxue Alberdi eta Onintza Enbeita izan ziren gonbidatuak Superlaur Elkartean egindako bazkarian gatza eta piperra jartzeko.

Edonola ere, bertsolari ezagunak ez ziren bakarrik aritu. Hain zuzen, hasi aurretik, Orozkoko eskolan Arkaitz Zipitriarekin bertsolaritza lantzen ari diren ikasleek bertsoak kantatu zituzten Alberdi eta Enbeita aurkezteko.

Horrez gain, Begoñe Olabarriak gaiak jarri zizkien bertsolariei, eta gazteek ere euren ekarpenak egin zituzten. Bertsoak nagusi ez ziren uneetan, Irati Santa Cruz eta Jone Larrinaga musikariek girotu zuten lokala, trikitia joz.

Argazkiak: Potolari Bertso Eskola

Euskara Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide