Orozkok hitzordu enblematikoa izango du larunbatean, Santa Luzia Azoka ospatuko baitu. 10:00etan abiatuko dute lehen sektorera lotutako topaketa. Ordu horretan irekiko dute Hegoalden jarriko duten karpa tokiko nekazarien produktuekin eta artisauek euren tokia izango dute plazan.
Terreña arrazako behiak izango dira protagonistak jarraian. Izan ere, 10:30ean animali mota horren lehiaketa hasiko da eta epaileek euren lanei ekingo diete. Egun osoan trikitilariak egongo dira gainera, herrigunea girotzen.
11:00etan Kalakako egurrezko jokoak erabiltzeko parada izango dute umeek Hegoalden eta 11:30ean 'Jauregiak eta etxezarrak' bisita gidatua hasiko da Orozko Museoan. Horrez gain, Aitor Intxaurragaren 'Lau urtaroak' erakusketa prest egongo da bisitarientzat, leku berean.
Horrez gain, 12:00etan terreña behiko hanburgesak salduko dituzte eta 12:30ean Ganguren testaje zentroko zekorren enkantea helduko da.
Azkenik, 13:30ean lehiaketako sariak banatuko dituzte eta handik ordu erdira amaituko da azoka.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
