Koalizioaren aburuz, proposamen orori sistematikoki ezezko batekin erantzuten zuen Udal Gobernu bat izatetik, orozkoarrentzat positiboak eta baliagarriak diren neurri eta politikei garrantzia ematera igaro da Orozkoko Udala, eta hori oso positibotzat jo du.
Orozkoko EH Bilduk aldeko botoa eman zien udal aurrekontuei abenduaren 14ko udalbatzan. Koalizioak oso modu positiboan baloratu du EAJk izandako prestutasuna bere proposamenak onartzeko.
Koalizioaren ustez, azken hiru legealditan ez da horrelakorik gertatu eta berriki lortutako adostasuna "akordio zabalak lortzeko borondate eta iniziatiba politikoari esker izan da".
Zehazki, EH Bilduk aldarrikatu du "udal zerbitzuak hobetu, trantsizio
energetikoan aurrera egin, politika feministetan sakondu eta tokiko merkataritza eta lehen sektorea sustatzeko ekarpen zehatzak" egin dituela.
Hain zuzen, honako hauek izan dira:
- Euskara eta berdintasun arloak indartzea.
- Liburutegiko ordutegia luzatzea.
- Tokiko merkataritza sustatzeko kanpaina abiatzea.
- Komunitate energetikoak martxan jartzeko diru-partida bat bideratzea.
- Emakumeen Etxea sortzeko prozesua martxan jartzea.
Halaber, aurten proposatutako zenbait egitasmo jaso dituzte:
- Udal eraikinetan eguzki plakak jartzeko inbertsioa.
- Lehen sektorean belaunaldi aldaketa bultzatzeko neurriak.
- Herriko argiteria handitu eta puntu beltzak ezabatzeko partida.
Edonola ere, EH Bilduk azaldu du oraindik hobetzeko tartea dagoela udal aurrekontuen prestaketan eta hurrengoan parte hartzerako prozesua abiatzearen beharra aipatu dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
