ZOZKETA

Orozko Rockeko materiala zozkatuko du Aiaraldea Komunikabideak, asteburu honetan izango baita musika jaialdia

Erredakzioa 2024ko mai. 14a, 19:30

Aurreko edizio baten irudia. / Orozko Rock

Maiatzaren 17an eta 18an izango da jaialdia kontzertuekin, umeentzako ekintzekin, erakusketarekin...

Orozko Rocken edizio berria ate joka dago eta Aiaraldea Komunikabideak kamisetak, poltsak eta pegatinak zozkatuko ditu Instagram bidez. Asmoa da giroa berotzea asteburura begira, ekintzaz beteta egongo baita.

Hasteko, Katxarrismos erakusketa dago ikusgai dagoeneko Orozko Museoan eta ostiralean bertan jaialdiaren lehenengo emanaldiak helduko dira:

19:00 // The Half Nelsons Herriko plazan

20:30 // Both Orozko Rock gunean

21:30 // Feline

22:35 // Lur

23:40 // Etxekalte

01:00 // Micky & The Buzz

Larunbatean adin guztientzako eskaintza

Zuzeneko musika andanarekin hasi ondoren, larunbatean goizetik abiatuko dituzte jarduerak.

11:30ean 5 urtetik gorako umeentzako tailerrak egingo dituzte Zubiaur plazan eta 12:30ean Orozko Museoan mahai ingurua bideratuko du Gertrude Elkarteak: Lur eremu idorra: klase ertainik dago musika munduan? Underground eta mainstreamaren arteko mugen inguruko eztabaida. Iritzi truke informal horretan Marta Fontana 'Martillo' The Capaces taldeko abeslariak, Galder Izagirrek (Berri Txarrak, Dut...), Kattalin Barcenak (J Martina) y Alberto Egiluzek (Vulk, Sal del Coche) hitz egingo dute, Iñigo Basagurenek bideratuta.

13:30ean Boogie Ridersen kontzertua hasiko da plazan eta garrafa dastatzeko aukera ere emango dute. Eremu berean, Letagin taldeak hartuko du oholtza 18:00etan eta gero Orozko Rock gunera mugituko dute jaia, emanaldi segida honekin:

19:45 // Ginger

20:55 // The Capaces

22:25 // Sex Museum

00:05 // Toc

01:25 // Ezezez

02:30 // DJ Nash

Zozketa

Aiaraldea Komunikabideak, bere aldetik, Orozko Rockeko bi kamiseta, bi poltsa eta pegatinak zozkatuko ditu. Horretarako, Instagramera jo beharra dago.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide