Gorbeiako Altxorrak kultura eta gastronomia ekitaldia egongo da Orozkon larunbatean, Korrontziren parte hartzearekin

Oihane Ozaeta Fernandez 2024ko urr. 14a, 13:32

Korrontzik 'Izan Bagara' ikuskizuna eramango du Orozkora. / Aiaraldea.eus

Bizkaiko Gorbeialde Landa Garapen Elkarteak antolatu du Bizkaiko Foru Aldundiaren eta Eusko Jaurlaritzaren Turismo, Merkataritza eta Kontsumo Sailaren babesarekin. Eskualdeko baliabideak sustatzea eta Euskadiko turismoa bertara erakartzea dira helburuak.

Urriaren 19an Gorbeiako Altxorrak izeneko turismo ekitaldiak hartuko du Orozko. Kultura ekintzei dagokienez, bertako jauregi eta etxezarren bisita gidatua, jazz musikaz zuzenean gozatzeko aukera, Izan Bagara ekitaldia Korrontzi taldearen eskutik, dantza, herri kirola eta folk musika egongo dira.

Bestalde, gastronomiak ere bere tokia izango du aurtengo ekitaldian. Izan ere, bertako produktuen merkatua egongo da, eta bertan, Gorbeiako altxor gastronomikoak erakutsi, aurkitu edo erosi ahal izango dira.

Goizean txakolin eta txorizo-dastatzea eskainiko dituzte eta Gastro gunea egongo da. Jarduera kultural eta gastronomikoak Zeberioko Jazz Kollective Quartet laukoteak girotuko ditu eta haurrentzako sormen espazioa ere egongo da egun osoan.

EGITARAUA

Urriak 19, larunbata

11:00 // bisita gidatua Orozkotik. Jauregi eta etxezarrak Zubiaurren (Plaza mugatuak. Helduak: 4€ eta umeak: 2€)

12:30 eta 13:30etan // Dastatzea: Urigoitiko txorizoak (Plaza mugatuak. Prezioa: 3€)

13:00etan eta 14:00etan // Dastatzea: Gure Ahalegina txakolina (Plaza mugatuak. Prezioa: 3€)

13:00 eta 15:00etan // Jazz Kollective Quartet (musika zuzenean)

15:00 // zozketa

19:00 // Korrontzi: "Izan bagara" ikuskizuna, dantza, herri kirola eta folk musika

20:30 // amaiera

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide