Inteneteko foro baten bidez antolatu zuten jarduera eta 80 lagun bertaratu ziren Orozkora. Lehen egunean harrera egin zieten herriko txorizoekin eta ogiarekin eta hurrengo egunean Orozko Museoa bisitatu zuten hiru txandatan.
Gero Pablo Azkoagaren okindegia ezagutu zuten eta eskolara jo zuten bazkaltzeko, Rakataplak paella sukaldatu baitzien. Arratsaldean bizkotxo dastatzearen ordua heldu zen eta gauez norberak nahi izan zuen moduan afaldu zuen; autokarabanan edo tabernetan.
Igandean mendi ibilaldia izan zuten eta oso pozik bukatu zuten, Orozkoko paisaia politak ikusita. Gero rabak jan zituzten herrigunean eta handik gutxira etxera itzuli ziren. Alain Motak prestatu zuen egitaraua eta jadanik beste batzuk ditu buruan.
Argazkiak: Alain Mota
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide