Orozkok memoria historikoari buruzko bigarren ekitaldia egingo du larunbatean

Oihane Ozaeta Fernandez 2024ko urriaren 24a

Frankismo garaiko errepresaliatuak, artxiboko irudi bat. / Aiaraldea.eus

Urriaren 26an, larunbatean, hainbat ekimen egingo dira Zubiaurren, arratsaldez.

Memoria historikoari buruzko topaketaren bigarren ekitaldia antolatuko dute urriaren 26an, larunbatean, Orozkon. Arratsaldeko 18:30ean duela bost urte Agirre Lehendakariaren parkean jarri zen monumentuan finkatu dute hitzordua, eta bertan, gerra zibilean eraildakoak eta errepresaliatuak aitortzeko ekitaldi formala egingo dute, lore omenaldi xume batekin eta ohorezko aurreskuarekin.

Ondoren, Donibane Aretora joango dira bertaratutakoak, eta manifestua irakurri eta "Los hijos de Gernika" filma proiektatuko da.

Jarraian, Ramon Zurimendik 20 minutuko hitzaldia eskainiko du Orozkoko eta Gorbeiako gerra zibilean gertatutakoari buruz, eta galderak egiteko aukera egongo da.

Gogoratu beharra dago Gorbeian egondako borroken ondorioz, Angel Egaña Arrankudiaga-Zolloko gudaria fusilatu zutela eta aurten itzuli dituztela gorpuzkiak herrira.

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide