Oroimen historikoaren bigarren ekitaldia egin da gaur Orozkon, "Orozkokoak gogoan" lemapean. Hasteko, lore eskaintza egin dute duela bost urte Lehendakari Agirre plazan jarri zen monumentuan. Jarraian, Los hijos de Gernika filma ikusi dute Donibane Aretoan eta, bukatzeko, Ramon Zurimendik Orozkoko eta Gorbeiako gerra zibilari buruzko azalpenak eman ditu. Aztarna Etnografia Elkarteko presidentea eta La Guerra Civil en el Alto Nervion liburuaren egilekidea da Zurimendi.
Oroimen historikoaren manifestua
Manifestua irakurri dute lore eskaintzan. "Urriaren 26ko ekitaldia gerra zibilaren, diktadura frankistaren errepresioaren eta edozein indarkeria motaren biktima izan ziren Orozkoko gizon eta emakume guztiak oroitu, omendu eta aitortzeko nahiari" zor zaiola azaldu dute, "printzipio eta balio demokratikoen alde egiteagatik".
Halaber, manifestuaren hitzetan, "duintasuna itzuli behar zaie biktimei eta, batez ere, haien senideei".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide