Gorbeian dagoen zezen batean trikomoniasi kasu positibo bat detektatu du Bizkaiko Foru Aldundiko Abeltzantza Zerbitzuak. Hori dela eta, indarrean jarri ditu Animalien Osasun Programan jasotako neurriak. Ondorioz, Gorbeiako larre partekatuetan dauden zezen guztiak erretiratzeko agindua zabaldu du.
Behin animaliak kenduta, Aldundiak berak abiatuko ditu kontrolak gaixotasunaren zabalpena neurtu eta horren araberako erabakiak hartzeko.
Gogoratu beharra dago trikomoniasia sexu-transmisioko gaitza dela eta abortuak eragiten dituela. Bizkaiko Foru Aldundiak ohartarazi du ugalketa sistema naturalak erabiltzen dituzten behi-aziendak bereziki zaurgarriak direla gaitz horren aurrean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
