Gau hartan izango da albumaren izena, eta plazaratu berri dute lehen kantua: Eztia.
Labetik ateratzear dago Zinkha taldearen lehen lan luzea. Bederatzi kantu izango ditu diskoak, eta atzo bertan plazaratu zuten Eztia singlea. Aurreratu dutenez, Durangoko Azokan aurkeztuko dute album osoa. Hain zuzen, Ahotsenea espazioko oholtzan eskainiko dute kontzertua, beste 34 talderekin batera.
Eten Espazio Sonoro estudioan grabatu dituzte kantu guztiak urrian, Urtzi Izaren gidaritzapean. Gau hartan izango da diskoaren izena. Izan ere, “gau batean gertatu daitekeen guztia” kontatuko dute, “bizipenak mahai gainean” jarriz. “Eguneroko gaiak salatu eta herriari ahotsa ematen dioten kantuak” osatu dituzte horretarako, taldeko kideen hitzetan.
Bi urte igaro dira Zinkhako kideak entsegu lokalera lehen aldiz sartu zirenetik. “Orduak eman ditugu lokalean, soinu eta erritmo artean gure bidea bilatuz eta horretan jarraitzen dugu”, azaldu dute, taldea “askatu, sortu eta gozatzeko” espazioa bilakatu dela aldarrikatuta.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.