Amaia Aldai lau t´erdiko txapela defendatzen hasiko da igandean Orozkon

Aitor Aspuru Saez 2024ko aza. 22a, 19:00

Amaia Aldai pilotaria. / Wikipedia

Master Cup Txapelketako final laurdenak jokatuko dira Orozkoko frontoian eta Amaia Aldai egongo da indarrak neurtuko dituzten pilotarien artean, kategoriako egungo txapelduna.

Pilotazaleek hitzordua izango dute igandean Orozkoko frontoian 10:30etatik aurrera. Hainbat partida egongo dira jokoan eta deigarriena, agian, 12:30ean Amaia Aldai eta Nora Mendizabal aurrez aurre izango dituena izango da.

Amaia Aldai Master Cup-eko lau t´erdiko txapelduna izan da azken hiru urteetan eta bere nagusitasuna erakutsi nahi du berriro. Izan ere, orain arte, aurreko edizioaren irabazlea izateagatik, ez du lehiaketan parte hartzeko beharrik izan. Orain, ordea, eliteko final laurdenak erabakiko dira Orozkon (Arrillagak eta Larrartek ere jokatuko dute 13:00etan hurrengo kanporaketan aritzeko) eta Arrigorriagan lehian egongo diren beste partidetan argituko dituzte gainerako postuak.

Horrez gain, pilota mistoko gazteen eta promesen sei norgehiagoka egongo dira aurretik:

10:30 // June Zabala-Itsasne Lizarralde

11:00 // Lur Egizabal-Arhane Rey

11:30 // Eider Perez-Ainitze Arratibel

12:00 // Uxue Gomez-Maddi Ugalde

13:30 // Amaia Arrastia-June Berasaluze

14:00 // Amaia Zarrabeitia-Lide Lopez Nuria

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide