Orozkorock jaialdiaren aurkezpena egingo dute ostiralean

Aitor Aspuru Saez 2025eko otsailaren 12a

Xabi Badiola bakarlariak girotuko du ostiraleko aurkezpena. / X. B.

Xabi Badiolaren kontzertuaren aurretik jakinaraziko dute aurtengo edizioak zein ezaugarri izango dituen. Sei taldek eta DJ batek joko dute eta egun bakarreko jaialdia izango da.

Orozkorock jaialdiaren antolatzaileek ekin diote giroa berotzeari eta ostiralean 20:00etan aurkeztuko dute aurtengo edizioa. Horretarako, Xabi Badiola bakarlariaren emanaldiaren aurretik hartuko dute hitza.

Albiste garrantzitsuak eskainiko dituzte hitzartze horretan. Besteak beste, kontzertuen data iragarriko dute (aurten egun bakarra izango da) eta arituko diren bost talderen eta DJ baten izenak. Horrez gain, beste talde baten izena gordeko dute aurrerago jakinarazteko.

Bi gune egongo dira musikaz gozatzeko: jaialdiaren eremua eta herriko plaza. Lehenengoan bost banda eta DJa egongo dira eta bestean beste talde bat.

2025eko Orozkorockeko kamisetak eta sarrerak ere izango dituzte salgai biharko aurkezpenean. Izan ere, aurten ordainduzkoa izango da kontzertu sorta.

Aurtengoa bosgarren edizioa izango da, baina duela zazpi urte batu ziren antolatzaileak eta, jaialdia bera ez ezik, hitzaldiak edota mahai inguruak ere ekarri dituzte herrira.

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide