Miren Gaztañagak zuk sortutako jantzi bat eraman du Goya Sarietako galan. Nola jaso zenuen Mirenen deia?
Miren nirekin harremanetan jarri zen lagun bat dugulako komunean. Lagun horrek eta biok duela urte asko ezagutu genuen elkar, Laudioko musika eskolan. Batetik, hunkitu egin ninduen Gaztañagak nik diseinatutako zerbait jantzi nahi zuela esan zidanean; eta, bestetik, zer pentsa ere eman zidan, komunitatea lantzearen garrantziaz. Elkarlan hau komunitate sortzailea konektatuta egotearen emaitza delako (eskerrik asko, Nere).
Nolakoa da Mirenek erakutsiko duen jantzia? Zeintzuk dira bere ezaugarriak? Jantzia bilduma zabalago baten parte da?
Mirenek nire Beneath (behean) bildumako piezak jantziko ditu. Bilduma horrek geruzen kontzeptua aztertzen du —fisikoak zein metaforikoak—, jantzien gainazalaren azpian dagoenari arreta jartzen dio. Denboraren, grabitatearen eta ukimenaren ideietan errotuta dago, eta, bildumak jostunaren zehaztasuna eta erosotasunaren gozamena orekatzen ditu: “etxeko jantzi hedonistaren” ikuspegia proposatzen du.
Ikuspegi honek gardentasunaren eta opakutasunaren arteko elkarrizketa ekarri zuen, neurrira egindako artile-caxmirezko kanpoko arropa zetazko chifonarekin eta nahastuz. Pieza bakoitzak bere sorreraren istorioa kontuan hartzera gonbidatzen du: nork egin zuen, non eta nola, kontsumo gogoetatsua sustatuz moda azkarreko panorama batean.
Nolakoa izan zen piezaren sorkuntza prozesua?
Barruko eraikuntzan eta xehetasun harrigarri eta intimoan arreta jarriz dago diseinatuta; hala nola, bildumak janzten duenari gonbidapena egiten dio ukimenaren eta kontenplazioaren arteko konexiora, zetazko organza gardeneko poltsikoetan, esaterako. Mozketa, ehuna eta proportzioa lehenesten ditu eta material bakoitzaren propietateak ulertzeko eta optimizatzeko diseinu-prozesuak zehatzera eramaten du esperimentazioa, fabrikazio-maketak garatuz.
Urteak daramatzazu Londreseko moda munduan murgilduta. Nolako esperientzia ari da izaten?
Londresera etorri nintzenean nire helburua industrian murgiltzea zen, maila profesionalean gaitasunak garatzea eta hesiak haustea. Aukerei dagokienez, modaren industriaren epizentro batean egoteak sare horren barruan hazteko aukera ematen du, bereziki, zure helburua sare horren parte izatea bada.
Londresen egotea bikaina da, industriako loturak alde batera utzita, hiri benetan xarmagarria da, zaharra eta berria, super-hiriaren eta basoaren nahasketa bikaina duena, gainera.
Maila pertsonalagoan, uste dut zer ekarriko zidan jakin gabe Londresera joateko arriskua hartu izanak orain arte bizi izan dudan hazkunde pertsonal handiena bultzatu duela. Atzerrira joan izanak konfiantza areagotu zidan. Horregatik halako erabaki bat hartzeko beldurra izan dezakeen edonori gomendatzen diot salto hori egitera eta horrek nora eramango duen ikustea.
Zer lan edo proiektu duzu orain esku artean?
Gaur egun, luxuzko marka iraunkor ingeles batean ari naiz diseinatzaile lanetan. Lana oso teknikoa da, arreta handia jarri behar zaio material guztiek duten ziurtagiriei, besteak beste, kontuan hartuta hornitzaileak.
