ZOZKETA

Binakako Serie B Txapelketako finalerdiak ikusteko sarrera bikoitza zozkatuko du Aiaraldea Komunikabideak

Erredakzioa 2025eko otsailaren 24a
Deskargatu Info Ahotsak :

Puntako pilotariak ikusteko aukera egongo da ostiralean Orozkon. / Baiko

Egiguren V-Bikuña eta Salaberria-Gaskue bikoteek alde batetik eta Zubizarreta III-Morgaetxebarria eta Senar-Eskiroz jokalariek, bestetik, neurtuko dituzte indarrak finalean sartzeko.

Pilota profesionala itzuliko da ostiralean Orozkora, udal kiroldegira, hain zuzen. 20:45etik aurrera lau bikotek hartuko dute kantxa erabakitzeko zeintzuk izango diren Serie B Txapelketako binakako finalistak.

Partida batean Egiguren V-Bikuña eta Salaberria-Gaskue arituko dira nor baino nor motibatuago. Izan ere, larunbatean sailkatu ziren Labriten jokatutako play-offetan.

Zubizarreta III-Morgaetxebarria eta Senar-Eskiroz bikoteek jokatuko duten partidatik aterako dira beste finalistak.

Sarrerek 20 euro balio dute eta hemen eros daitezke, besteak beste. Edonola ere, Aiaraldea Komunikabideak, Orozkoko Udalari esker, sarrera bikoitza zozkatuko du ostiralean 14:00etan eta izena eman daiteke honako esteka honetan.

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide