Cristina Daura ilustratzaile katalanak ikastaroa emango du datorren apirilaren 21etik 24ra bitartean Orozkoko Olarte auzoan kokatutako El Lirón Gris tailerrean. Gertrude kultur elkarteak beka eskainiko du ikastaroan parte hartu ahal izateko.
Dauraren gidaritzapean, lagunei, maitaleei, familiari edota naturari zuzendutako amodio eta desamodio poema bana landuko dituzte parte hartzaileek. Haien sorkuntza piezekin osatutako poema-liburu ilustratu bat izango da workshop-aren emaitza.
32 orduko iraupena izango du osotara ikastaroak, apirilaren 21etik 24ra, 10:30-14:30 eta 15:30-19:30 bitarteko ordutegian. Otorduak prezioaren barne daude eta Artiñano Etxean geratzeko aukera dago, Gertrude kultur elkarteak Beraza auzoan alokatutako landetxean, hain zuzen.
Adierazi dutenez, gehienez 15 pertsonek parte hartu ahal izango dute ikastaroan, eta izen ematea egin den ordenaren arabera esleituko dira plazak. Dena den, Orozkoko eta Aiaraldeko herritarrek lehentasuna izango dute.
Ikastaroak, berez, 450 euroko prezioa du, otorduak barne, eta 850 eurokoa Artiñano Etxean geratu nahi izanez gero. Gertrude kultur elkartearen bekak gastu guztiak kubrituko ditu. Bekaren inguruko informazio gehiago nahi dutenek gertrudekulturelkartea@gmail.