Arbaizako auzunea prest dago bere jaiak ospatzeko eta horretarako bi eguneko programazioa antolatu du. Ekintzak gaur hasiko dira 10:30ean Arboledako Trikitixaren kalejirarekin. 11:00etan mezaren ordua helduko da eta amaitzeko zozketa egingo dute, bertako produktuz osatutako bi saski lortuko ahalko dira.
Larunbata egun nagusia
San Isidro, berez, gaur ospatzen bada ere, egitarauaren ekintza gehienak larunbatean egingo dituzte. 11:30ean Arboledako Trikitixa izango da berriro giroa berotzeko arduraduna eta 12:00etan meza egingo dute.
13:00etan Agate Deuna abesbatzak kantaldia eskainiko du eta 15:00etan bazkari herrikoaren inguruan batuko dira auzotarrak, zeuden tiket guztiak saldu baitituzte jadanik.
16:30etik 20:00ak arte umeentzako tailerrak -Kokorikok bideratuta- eta trikiti emanaldia egongo dira, baina haurrentzako egitaraua ez da horretara murriztuko. Izan ere, 18:00etan Walas Magoaren ikuskizuna egongo da.
19:00etan pintxo pote herrikoaren txanda helduko da, eta aipatu beharra dago txosna jarriko dutela.