Atxulaurrek elkartasun zozketa egingo du bihar Maderas de Llodioko grebalarien erresistentzia kutxarako

Aitor Aspuru Saez 2025eko urriaren 3a
Deskargatu Info Ahotsak :

Futbol klubeko hainbat jokalari gazte. / Atxulaur

Lehen taldeko partidan izango da eta 17:00etan hasiko da.

Atxulaur Kirol Elkarteak bere alea jarri nahi du Maderas de Llodioko greba mugagabean eta horretarako elkartasun zozketa egingo du bihar. 

Berez, 17:00etan hasiko da lehen taldeko partida eta atsedenaldian egingo dute zozketa. "Norgehiagoka guztietan egiten dugu, baina bihar biltzen dugun diru guztia Maderas de Llodioko grebalarien erresistentzia kutxara bideratuko dugu", azaldu dute.

Atxulaurren ekimena ez da eskualdean egingo den lehen elkartasun keinua grebalariekiko kirol munduaren esparrutik. Izan ere, pasa den asteburuan Altzarrateko jokalariek pankarta atera zuten grebari babesa emateko eta Garnicak egin nahi dituen 39 kaleratzeen kontra lerratzeko.

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide